अंजोर.जगदलपुर,21। बस्तर अंचल के खूबसूरत वादी म कतकोन मनोरंजक ठउर हाबे जिहा लोगन मन आठोकाल किंजरे बर जाथे, फेर अब ओहू ल कोरोना काल के ग्रहण लगगे। कलेक्टर अउ जिला दण्डाधिकारी रजत बंसल कोति ले कोरोना वायरस के संक्रमण ल धियान म राखत बस्तर जिला के सबो पर्यटन स्थल के भ्रमण म आगामी आदेश तक रोक लगाये हावय।
बस्तर के प्रमुख पर्यटक स्थल म कांगेर घाटी राष्ट्रीय उद्यान, कैलाश गुफा बस्तर, तीरथगढ जलप्रपात, कोटमसर गुफा, नारायणपाल मंदिर, तामड़ा घूमर जलप्रपात, मेहेंदरी घूमर जलप्रपात, चित्रधारा जलप्रपात, चित्रकोट जलप्रपात, इन्द्रावती नदी आदि अब कोरोना काल के सेती कुछ दिन सुन्ना रइही।
कलेक्टर ह पुलिस विभाग, पंचायत अउ ग्रामीण विकास विभाग, वन विभाग, नगरीय प्रशासन विभाग सबो अनुविभागीय दंडाधिकारी तहसीलदार, पर्यटन विभाग के अधिकारी अउ अउ पर्यटन स्थल समिति, प्रबंधन ले ये आदेश के पालन तुरते ले सुनिश्चित करे के निर्देश दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।