Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

बारनवापारा अभ्यारण्य म सांभर के शिकार, मांस सहित दू आरोपी गिरफ्तार : वनमंडल बलौदाबाजार


अंजोर.बलौदाबाजार,21। बारनवापारा अभ्यारण्य क्षेत्र म 19 सितंबर के एक सांभर के शिकार के मामला म दू आरोपी ल गिरफ्तार करके आवश्यक कार्रवाई करे जावत हाबे। अपर प्रधान मुख्य वन संरक्षक अरूण पाण्डेय के बताये मुताबिक वनमंडलाधिकारी बलौदाबाजार आलोक तिवारी के निर्देश अनुसार वन विभाग के गठित टीम ह सांभर के अवैध शिकार के मामला म अऊ आन आरोपी मनके खोजबीन चलत हाबे।

मुख्य वन संरक्षक के मुताबिक पाछू 19 सितंबर के बलौदाबाजार वनमंडल के देवपुर वन परिक्षेत्र अंतर्गत सबो बेरियर म वन विभाग के टीम जांच करत रिहिस। तभे रात 8:30 बजे बया बेरियर म एक अल्टो कार ल संदिग्ध हालत म पाये गिस। कार के जांच करे म डिग्गी ले बोरी म 46 किलोग्राम वन्यप्राणी सांभर के मांस मिलिस। मउका म ही धर्मेन्द्र कश्यप ग्राम कलमीदादर ल धर-दबोचे गिस। आरोपी कश्यप ह बोरी म रखे मांस ल सांभर के मांस होना बताइस अउ ओला ग्राम पकरीद निवासी गौतरिहा बरिहा के घर ले खरीद के लाना बताइन। आगू वन विभाग के गठित टीम 20 सितंबर के आरोपी बरिहा के घर म छापा मारके शिकार म बउरे जीआई तार आदि सामान अउ वन्यप्राणी सांभर के कटे अवशेष ल जब्त करे गिस। ये कार्रवाई म वन परिक्षेत्र अधिकारी पंचराम यादव, भुनेश्वर वर्मा अउ बसंत खांडेकर के जबर योगदान रिहिसे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285