धमतरी.09। जिला कलेक्टर जय प्रकाश मौर्य जी ह अब हर सोमवार के बिहनिया 11 ले मझनिया 03 बजे तक जिला के लोगन ले मुलाकात करही। कलेक्टोरेट सभाकक्ष म आम जनता ह कोरोना संक्रमण ले बचाव अउ सुरक्षात्मक उपाय के पालन करत, सामाजिक दूरी म मास्क लगागे आही।
कोरोना के संक्रमण ल देखत जिला कलेक्टर कोति ले जारी समाचार के मुताबिक अइसन मनखे जेमन ला पहिली ले सर्दी, खांसी या बुखार होही ओमन मुलाकात बर झिन आही केहे गे हवय। स्वस्थ आदमी मन ही अपन समस्या ल लेके अब सोमवार के करार बेरा म कलेक्टोरेट सभाकक्ष म मुलाकात करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।