बूढ़ा तालाब धरना ठउर म भावी शिक्षक मनके हल्ला बोल, 14580 पद भर्ती खातिर घेरे बर निकलिस सीएम हाउस

अंजोर
0

रायपुर.07। छत्तीसगढ़ सरकार ह प्रदेश म 14580 शिक्षक पद म भर्ती खातिर व्यापम को‍ति ले परीक्षा ले रिहिस। जेकर सबो प्रक्रिया होए के बाद सरकार ह भर्ती ल अटका के राखे हावय। ये बात ल लेके कई पइत मांग अउ प्रदर्शन होए हाबे। हाल ही म सरकार ह ओकर वैधता ल एक साल अऊ बढ़ाये हाबे। ये सब के बीच अभ्यर्थी मन आज बूढ़ा तालाब धरना ठउर म जबर प्रदर्शन करत जुरियाइन अउ रैली निकाल के सीएम हाउस घेराव करे बर जावत रिहिन। प्रदर्शनकारी मनला पुलिस ह तरिया तिर ही रोक लिस। कोरोना के संक्रमण ल देखत प्रशासन ह चेत करत प्रदर्शनकार मनला बरजिस तको फेर ओमन नइ मानिस। सैकड़ों आदमी एके ठउर म जुरियाके कोविड-19 के खतरा ल अनदेखा करत सरकार के खिलाफ नाराबाजी करत रिहिस। 

शासन के आश्वासन अउ कोरोना के संक्रमण ल देखत ऐक ठउर म अतेक झिन के जुरियाना रायपुर शहर बर तको खतरनाक साबित हो सकत हाबे। करीब डेढ़ साल ले अटके शिक्षक भर्ती के प्रक्रिया रुके के कारण सरकार ह कोरोना ल बतावत हाबे। प्रदर्शनकारी मनके कहना हाबे के ओमन पहिली ले ही सरकार ल 22 अगस्त के धरना म अल्टीमेटम दे रेहेन के 1 सितंबर तक मांग नइ मानही तव अनिश्चितकालीन हड़ताल करबो। ये उही हड़ताल के आज पहिली दिन आए, प्रशासन इहां ले हटाही तव अपन-अपन घर के सामने म भूख हड़ताल करबो।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !