जांजगीर-चांपा.09। सरकार के गोधन न्यालय योजना के माध्य म ले गांव-गांव म गोबर खरीदी अब एप के माध्यम ले तको होही। ये संबंध म आरो मिले हाबे के कलेक्टर श्री यशवंत कुमार के मार्गदर्शन म जिला म छत्तीसगढ़ सरकार के तय एप्प के माध्यम ले गोबर खरीदी शुरू होगे हावय।
जिला म 5,289 पशुपालक ले ग्रामीण अउ नगरीय निकाय के गोठान म 20 जुलाई ले 5 सितम्बर तक 33 लाख, 63 हजार, 596 किलोग्राम गोबर के खरीदी होए हाबे। अब तक जिला के 244 गोठान म कुल 47 हजार 622 पशुपालक मन पंजीयन कराये हाबे। जेमा अब पाछू 6 सितंबर ले गोबर खरीदी शासन के ‘एप’ के माध्यम ले होवत हावय।
जिला पंचायत के मुख्य कार्यपालन अधिकारी तीर्थराज अग्रवाल के मुताबिक जिला म 9 जनपद अउ 15 नगरीय निकाय के गोठान म 33 लाख 63 हजार 596 किलोग्राम गोबर के खरीदी 5 हजार 289 पशुपालक मन ले हाए हाबे। पशुपालक ह दू बेर बेचे गोबर के भुगतान खाता के माध्यबम ले पागे हावय। जिला म प्रत्येक गोठान म मोबाइल एप के माध्यम ले गोबर खरीदी करे जाही, गोठान के नोडल अधिकारी मनला येकर जिम्मेदारी देगे हावय। बकायदा एप चलाये खातिर ओमन ल प्रशिक्षित तको करे गे हावय।
अकलतरा जनपद म होए हाबे सबले जादा गोबर के खरीदी-
जिला म सर्वाधिक गोबर के खरीदी अकलतरा जनपद पंचायत ले होए हाबे। इहां कुल 7 लाख 33 हजार 655 किलोग्राम गोबर खरीदी करे गे हावय। अइसने जनपद पंचायत नवागढ़ म 6 लाख 57 हजार 429 किलोग्राम, जनपद पंचायत डभरा म 4 लाख 51 हजार 915 , बलौदा जनपद पंचायत के गोठान म 2 लाख 89 हजार 253 किलोग्राम, जनपद पंचायत जैजैपुर म 2 लाख 23 हजार 810 किलोग्राम, जनपद पंचायत बम्हनीडीह म 1 लाख 92 हजार 230 किलोग्राम अउ जनपद पंचायत सक्ती म 1 लाख 93 हजार 246 किलोग्राम गोबर खरीदी करे गे हावय। जनपद पंचायत पामगढ़ म 1 लाख 26 हजार 773 किलोग्राम, जनपद पंचायत मालखरौदा म 1 लाख 16 हजार 200 किलोग्राम अउ 15 नगरीय निकाय म 3 लाख 79 हजार 85 किलोग्राम गोबर खरीदा गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।