Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

आयस्टर मशरूम उत्पादक सौरभ जंघेल ल मिलिस राष्ट्रीय सम्मान, राजनांदगांव जिला के ग्राम जंगलपुर के युवक 3 साल ले करत हाबे मशरूम उत्पादन


राजनांदगांव.अंजोर-19। छत्तीसगढ़ के राजनांदगांव जिला के ग्राम जंगलपुर के युवा किसान सौरभ जंघेल ल आयस्टर मशरूम उत्पादन, प्रसंस्करण विपणन के क्षेत्र म बने काम खातिर सम्मानित करे गे हाबे। सौरभ ल राष्ट्रीय सम्मान भारतीय कृषि अनुसंधान परिषद के मशरूम अनुसंधान निदेशालय सोलन हिमाचल प्रदेश कोति ले आयोजित वर्चुअल मशरूम मेले म प्रदान गिस। युवा आयस्टर मशरूम उत्पादक सौरभ जंघेल कृषि महाविद्यालय, रायपुर के मशरूम अनुसंधान प्रयोगशाला ले प्रशिक्षण ले हाबे। केन्द्र के वैज्ञानिकों डॉ. सी.एस. शुक्ला, श्री एच.के. सिंह, डॉ. नरेन्द्र लाकपाले, डॉ. ए.एस. कोटस्थाने, डॉ.एम.पी. ठाकुर के कुशल मार्गदर्शन म विगत तीन साल ले मशरूम उत्पादन अउ विपणन के बुता करत हाबे।

इंदिरा गांधी कृषि विश्व विद्यालय रायपुर ले प्रशिक्षित कृषक सौरभ जंघेल मशरूम अनुसंधान प्रयोगशाला ले शुद्ध कलचर पाके मशरूम स्पान (बीज) तइयार करके किसान मनला बीज उपलब्ध करावत हाबे। मशरूम उत्पादन, विपणन के बाद अवशिष्ट ले केंचुआ खाद अउ जैविक खाद बनाये के बुता तको करथे। एजेंसी के मुताबिक इंदिरा गांधी कृषि विष्वविद्यालय के मशरूम वैज्ञानिक मनके प्रयास अउ मार्गदर्शन ले छत्तीसगढ़ के मशरूम उत्पादक मनके जबर बुता खातिर राष्ट्रीय पटल म सम्मासन मिलत हाबे। साल 2018 अउ 2019 म तको चोवा राम साहू ग्राम मेघा, धमतरी अउ राजेन्द्र कुमार साहू ग्राम पठियापाली, बसना ल आयस्टर, पैरा अउ सफेद दूधिया मशरूम उत्पादन, बीज उत्पादन प्रसंस्कृत पदार्थ विपणन म जबर बुता खातिर राष्ट्रीय सम्मान प्रदान करे गे रिहिसे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285