रायपुर.03। छत्तीसगढ़ शासन के संस्कृति अउ पुरातत्व, विभाग रायपुर के कुछ अधिकारी अउ कमर्चारी के कोरोना टेस्ट पॉजिटिव, कोरोना लक्षण पाये गे हावय। ये सेती संक्रमण के फैलाव ल देखत कार्यालय परिसर ल सेनेटाईज करे जाही। मिले आरो के मुताबिक 3 ले 5 सितंबर तक कार्यालय के अलावा महंत घासीदास संग्रहालय, महंत सर्वेश्वर दास ग्रंथालय तको बंद रइही।
कार्यालय के सबो कर्मचारी, अधिकारी मन अपन-अपन घर ले मोबाईल म संपर्क म रइही अउ जरूरी काम ल निपटाही अऊ अवइया 7 सितंबर के बाद ले फेर सहित रोज कार्यालय ह खुलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।