Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Chhattisgarhi News : स्वास्थ्य मंत्री टीएस सिंहदेव ह रायपुर के कोविड केयर सेंटर मनके करिन निरीक्षण


रायपुर.11। प्रदेश के स्वास्थ्य मंत्री टीएस सिंहदेव जी ह आज कोरोना के नियंत्रण अउ बने स्वास्थ्य व्यवस्था ल देखत रायपुर शहर के सबो अस्प ताल मनके निरीक्षण करिन। ओमन आयुर्वेदिक अस्पताल कैम्पस के कोविड केयर सेंटर म उपचार पद्धति, उपकरण, परामर्श व्यवस्था अउ प्रबंधन संग अऊ आन जरूरी बेवस्था के तको जायजा लिस। श्री सिंहदेव ह सरलग इही उदीम करत हाबे के छत्तीसगढ़ प्रदेश ल कोविड-19 संक्रमण मुक्त करा सकय अउ ओमन सरकार के ये संकल्प ल पूरा करे खातिर जबर बाना उचाये बुता करत हावय। 

आगू ओमन रायपुर के डेडिकेटेड कोविड हेल्थ सेंटर के कार्यप्रणाली, व्यवस्था, प्रबंधन अउ दवाई भण्डारण ल देखत मउका म ही स्वास्थ्य अधिकारी मनला बने चिकित्सा सुविधा देवाये के निर्देश दिस। अइसने राजधानी रायपुर, फुंडहर के वीआईपी रोड के वर्किंग वीमेन हॉस्टल म चलत कोविड केयर सेंटर पहुँच के ओमन अधिकारी अउ कर्मचारी मनले गोठबात करिन। नवा रायपुर उपरवारा के स्टेट इंस्टीट्यूट ऑफ होटल मैनेजमेंट अउ पंडित दीन दयाल उपाध्याय मेमोरियल हेल्थ साइंस एंड आयुष यूनिवर्सिटी के कोविड केयर सेंटर्स म पहुंच के कोरोना संक्रमित मनले फोन म गोठबात करके हालचाल जानिस। संगे संग सेंटर म चलत व्यवस्था अउ भोजन के गुणवत्ता के जांच करत सम्बंधित अधिकारी मनला जरूरी दिशा निर्देश दिस।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
वाट्सअप- 9826753304
ई मेल : jayantsahu9@gmail.com

कला-संस्कृति-साहित्य

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285