छत्तीसगढ़ ओपन स्कूल रिजल्ट 2020 : राज्य ओपन स्कूल के परीक्षा परिणाम जारी, हाई स्कूल म 88.97 अउ हायर सेकेंडरी म 92.26 प्रतिशत परीक्षार्थी पास

अंजोर
0

अंजोर.रायपुर,21। छत्तीसगढ़ राज्य ओपन स्कूल कोति ले आयोजित हायर सेकेंडरी सर्टिफिकेट अउ हाई स्कूल सर्टिफिकेट मुख्य परीक्षा 2020 के परीक्षा परिणाम आज जारी करे गिस। हाई स्कूल के परीक्षा म 88.97 परीक्षार्थी पास होए हाबे अउ हायर सेकेंडरी मुख्य परीक्षा म 92.26 परीक्षार्थी पास होए हाबे। 

छत्तीसगढ़ राज्य ओपन स्कूल कोति ले मिले आरो के मुताबिक हाई स्कूल के परीक्षा म कुल 65879 परीक्षार्थी शामिल होए रिहिस जेमा 31,983 ह प्रथम श्रेणी म, 20314 ह द्वितीय श्रेणी म अउ 6253 ह तृतीय श्रेणी म परीक्षा उत्तीर्ण होए हाबे। हाईस्कूल परीक्षा म कुल 58,599 परीक्षार्थी उत्तीर्ण घोषित गे गिस जेन म 89.47 प्रतिशत बालक अउ 88.26 प्रतिशत बालिका पास होइस।

अइसने हायर सेकेंडरी के मुख्य परीक्षा म शामिल होइन 69561 परीक्षार्थी म ले कुल 57325 परीक्षार्थी पास होइस। जेमा 29322 परीक्षार्थी प्रथम श्रेणी म, 21,072 ह द्वितीय श्रेणी म अउ 6874 परीक्षार्थी तृतीय श्रेणी म पास होए हाबे। सफल परीक्षार्थी म 92.89 प्रतिशत बालक अउ 91.53 प्रतिशत बालिका शामिल हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !