Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Raigarh Police : संवेदना कैंपेन के तहत गांव-गांव म जाके बाढ़ प्रभावित मनला बांटत हाबे राहत सामाग्री


रायगढ़.12। रायगढ़ पुलिस कोति ले जिला के तहसील पुसौर, सरिया, बरमकेला अउ सारंगढ़ म बाढ़ पीडित मन खातिर जन सहयोग ले जुटाये जीवनापयोगी, पुर्नवास सामग्री के बड़का रूप म वितरण करे गिस। कोरोना संक्रमण ल देखत पुसौर अउ सरिया क्षेत्र के प्रभावित मनला थाना म दू दिन ले सामाग्री के वितरण करे गिस।

पुलिस कोति ले मिले आरो के मुताबिक संवेदनाकैंपेन के तहत बहुत कम दिन म बाढ़ पीडित मन खातिर सहयोगकर्ता मनले मिले सामग्री ल पहिली दिन 695 परिवार ल बांटे गिस। दूसर दिन 196 परिवार म साड़ी, कम्बल, मच्छरदानी, बाल्टी, बर्तन पुसौर क्षेत्र म बांटे गिस। अइसने सरिया क्षेत्र म तको बुदबुदा, छोटे नवापारा, पँचधार अउ रतनपाली जाके 112 परिवार के लोगन मनला सामान बांटे गिस।

संवेदना कैंपेन म पुलिस अधीक्षक संतोष कुमार सिंह, थाना प्रभारी पुसौर निरीक्षक गौरीशंकर दुबे, तहसीलदार पुसौर माया आंचल, नायब तहसीलदार आयुश तिवारी, जिला पंचायत सदस्य, सरिया टी आई अंजना केरकेट्टा, तहसीदार राकेश वर्मा अउ आर.आई. मधुरिमा संग आन अधिकारी मन तको राहत सामग्री बांटे म जोर सोर ल जुटे हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285