नीट परीक्षा समाचार 2020 : नि:शुल्क बस सेवा ले सुदूर अंचल बीजापुर के 94 परीक्षार्थी मन नीट के परीक्षा देवाय बर आइन रायपुर

अंजोर
0

बीजापुर.12। राज्य शासन के निर्देश म जिला प्रशासन बीजापुर ह राष्ट्रीय स्तर म आयोजित नीट परीक्षा म सामिल होवइया 94 परीक्षार्थी बर निःशुल्क वाहन के बेवस्था करे हावय। जेमा 10 पालक अउ 10 शिक्षक-शिक्षिका 12 सितम्बर के राजधानी रायपुर बर रवाना होइन। राष्ट्रीय स्तर म आयोजित होवइया नीट परीक्षा 2020 खातिर परीक्षार्थी अंडर ग्रेजुएट मन 13 सितम्बर के 155 शहर म बने परीक्षा केंद्र म सामिल होही।
  
जिला शिक्षा अधिकारी डी. समैया कोति ले एजेंसी ल बताये मुताबिक कलेक्टर के मार्गदर्शन म जिला के नीट परीक्षा म सामिल होवइया सबो 94 छात्र-छात्रा संग पालक अउ शिक्षक-शिक्षिका मन निःशुल्क वाहन ले रायपुर आइन हाबे। भेजे के पहिली सबो छात्र-छात्रा, पालक अउ शिक्षक-शिक्षिका मनके कोविड जांच कराये गिस। राजधानी रायपुर रवाना होवत बखत जिला शिक्षा अधिकारी ह परीक्षा म उत्कृष्ट प्रदर्शन खातिर शुभकामना दे हावय। जानबा होवय के प्रदेश के मुख्यमंत्री भूपेश बघेल को‍ति ले कोविड-19 ल देखत आईआईटी, जेईई अउ नीट के परीक्षा बर छात्र-छात्रा मनला परीक्षा केन्द्र तक लाने अउ घर वापस जाए के निःशुल्क बेवस्था करे गे हावय। इही परिपालन म जिला प्रशासन बीजापुर कोति ले जिला के अभ्यर्थी मन बर निःशुल्क वाहन व्यवस्था सुलभ कराये के संग उंकर मार्गदर्शन खातिर शिक्षक-शिक्षिका मनके तको ड्यूटी लगाये गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !