ट्रायसायकल योजना : वाड्रफनगर दिव्यांग मनला बलरामपुर जिला पंचायत सीईओ ह बांटिस मोटराईज्ड ट्रायसायकल

बलरामपुर.12। समाज कल्याण विभाग कोति ले दिव्यांग मन खातिर गजब अकन योजना चलत हावय, जेमा शारीरिक रूप ले अक्षम दिव्यांग मन के आवागमन खातिर ट्रायसायकल प्रदान करे के योजना हाबे। एजेंसी ले मिले आरो के मुताबिक मुख्य कार्यपालन अधिकारी जिला पंचायत कोति ले 04 दिव्यांग मनला जिला पंचायत कार्यालय बलरामपुर म ट्रायसायकल वितरित करे गिस। जिला पंचायत के मुख्य कार्यपालन अधिकारी ह आवेदन मिले के बाद उप संचालक समाज कल्याण ल तुरते कार्यवाही करत दिव्यांग मनला मोटराईज्ड ट्रायसायकल वितरित करे के निर्देश दिस। विकासखण्ड वाड्रफनगर के ग्राम स्याही के बेचन राम अउ ग्राम कुंदी निवासी देवनारायण, विकासखण्ड रामचन्द्रपुर के ग्राम विश्रामपुर के वाजुदीन अंसारी, बलरामपुर के ग्राम भनौरा निवासी बसंत कुमार एक्का ल मोटराईज्ड ट्रायसायकल प्रदाय करे गे हावय।