विधानसभा अध्यक्ष डॉ. महंत, मुख्यमंत्री भूपेश बघेल अउ धरमलाल कौशिक ह शोध पत्रिका ‘विधायन‘ के नवा अंक के करिन विमोचन

रायपुर.28। विधानसभा अध्यक्ष डॉ चरणदास महंत अउ मुख्यमंत्री भूपेश बघेल आज छत्तीसगढ़ विधानसभा के शोध पत्रिका ‘विधायन‘ के नवा अंक के विमोचन करिन। ये मउका म नेता प्रतिपक्ष धरमलाल कौशिक, राजस्व मंत्री जयसिंह अग्रवाल अउ विधानसभा के प्रमुख सचिव चंद्रशेखर गंगराड़े तको उपस्थित रिहिन। संग म विधानसभा उपर केन्द्रित वृत्तचित्र (Documentary Film) के तको विमोचन करत डी.वी.डी. जारी करे गिस। 

जानबा होवय के अविभाजित मध्यप्रदेश म शोध पत्रिका ‘विधायनी‘ के प्रकाशन होवय। छत्तीसगढ़ राज्य गठन के बाद छत्तीसगढ़ विधानसभा म ‘विधायन‘ नाम ले पत्रिका के प्रकाशन वर्ष 2001 ले होवत हाबे। पाछू 10 बछर ले ये पत्रिका के प्रकाशन बंद रिहिसे अब 1 साल ले फेर विधानसभा अध्यक्ष डॉ. चरणदास महंत के रुचि, निर्देश अउ मार्गदर्शन म सरलग रूप ले ‘विधायन‘ के प्रकाशन होवत हाबे।