छत्तीसगढ़ के नवा विधानसभा भवन के शिलान्यास म श्रीमती गांधी तको सामिल होही, नवा रायपुर अटल नगर म 12 बजे भूमिपूजन म संघरही मंत्रीमंडल

अंजोर
0

रायपुर.28। छत्तीसगढ़ के नवा विधानसभा भवन के भूमिपूजन काली 12 बजे सांसद श्रीमती सोनिया गांधी अउ श्री राहुल गांधी वीडियो कान्फ्रेंसिंग के माध्यम ले करही। मिले आरो के मुताबिक छत्तीसगढ़ के नवा रायपुर अटल नगर म विधानसभा के नवा भवन बनइया हावय। जेकर भूमिपूजन कार्यक्रम मुख्यमंत्री भूपेश बघेल जी, विधानसभा अध्यक्ष डॉ. चरणदास महंत, नेता प्रतिप़क्ष धरमलाल कौशिक, लोक निर्माण मंत्री ताम्रध्वज साहू, संसदीय कार्य मंत्री रविन्द्र चौबे, विधानसभा के उपाध्यक्ष मनोज मंडावी सहित आन मंत्री, सांसद, संसदीय सचिव अउ विधायक मन जुरियाही। 
जानबा होवय के छत्तीसगढ़ के नवा विधानसभा भवन के निर्माण महानदी अउ इन्द्रावती भवन के पाछू 51 एकड़ म बनइया हाबे। नवा भवन म विधायक के बइठक क्षमता के अनुरूप सदन के निर्माण अउ अध्यक्षीय दीर्घा, अधिकारी दीर्घा, प्रतिष्ठित दर्शक दीर्घा, पत्रकार दीर्घा, दर्शक दीर्घा बनाये जाही। 
विधानसभा अध्यक्ष, मुख्यमंत्री, मंत्री, नेता प्रतिपक्ष, उपाध्यक्ष अउ मुख्य सचिव, विधानसभा के प्रमुख सचिव अऊ आन सचिव कक्ष, मीटिंग हॉल अउ स्टाफ के अलावा पुस्तकालय, एलोपैथिक, होम्योपैथिक अउ आयुर्वेदिक औषधालय, पोस्ट ऑफिस, रेल्वे रिजर्वेशन काऊंटर, बैंक जइसन सुविधायुक्त बनही नवा विधानसभा भवन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !