छत्तीसगढ़ विधानसभा के नवा भवन के होइस शिलान्यास, भूपेश सरकार के मं‍त्रीमंडल के अलावा नई दिल्ली ले तको जुडि़स पहुना

रायपुर.29। छत्तीसगढ़ विधानसभा के नवा भवन के आज भूमिपूजन कार्यक्रम नवा रायपुर म राखे गे रिहिस। मुख्यमंत्री श्री भूपेश बघेल अउ विधानसभा अध्यक्ष डॉ. चरणदास महंत ह छत्तीसगढ़ विधानसभा के नवा भवन बनाये खातिर बटन दबाके शिलापट के अनावरण करिन। ये मउका म भूपेश सरकार के मंत्रीमंडल के अलावा नई दिल्ली ले कांग्रेस अध्यक्ष श्रीमती सोनिया गांधी, राहुल गांधी अउ मोतीलाल वोरा जी तको जुड़े रिहिन। भूमिपूजन कार्यक्रम म विशेष रूप ले नेता प्रतिपक्ष श्री धरम लाल कौशिक संसदीय सचिव, विधायक सहित अनेक जनप्रतिनिधि अउ वरिष्ठ अधिकारी उपस्थित रिहिन।