कोरबा.29। कोरबा के ग्रामीण क्षेत्र म पुराना खाली आंगनबाड़ी केन्द्र म आंगनबाड़ी कार्यकर्ता, मिनी कार्यकर्ता अउ सहायिका के कुल 53 खाली पद म भर्ती खातिर आवेदन मंगाये गे हावय। एकीकृत बाल विकास परियोजना कोरबा (ग्रामीण) के अंतर्गत जिला के ग्राम पंचायत मनके आंगनबाड़ी केन्द्र म आंगनबाड़ी कार्यकर्ता के 18 पद, मिनी कार्यकर्ता के 01 पद अउ सहायिका के 34 पद खातिर भर्ती प्रक्रिया 31 अगस्त ले शुरू करे जाही। आवेदन पत्र जमा करे के अंतिम तिथि 14 सितम्बर 2020 रखे गे हावय।
आवेदिका के उमर 18 ले 44 साल के बीच होना चाही। इच्छुक आवेदिका ल उही गांव के निवासी होना जरूरी हावय, जिहा के आंगनबाड़ी खातिर भरे हावय। आवेदिका ल आवेदन पत्र म पद अउ केन्द्र के नाम के स्पष्ट उल्लेख करना आवश्यक होही। आंगनबाड़ी कार्यकर्ता अउ मिनी कार्यकर्ता के पद खातिर शैक्षणिक योग्यता 12 वीं पास अउ सहायिका के पद खातिर शैक्षणिक योग्यता 8 वीं पास रखे गे हावय।
परियोजना अधिकारी एकीकृत बाल विकास परियोजना कोरबा (ग्रामीण) के बताये मुताबिक इच्छुक आवेदिका मन निर्धारित प्रारूप म अपन आवेदन सीधा या पंजीकृत डाक ले परियोजना कार्यालय म बिहनिया 11 बजे ले संझा पांच बजे तक कार्यालयीन दिवस म जमा करत हाबे। आवेदन के शर्तें अउ प्रारूप परियोजना कार्यालय कोरबा (ग्रामीण) अउ जनपद पंचायत के सूचना पटल अउ सबो संबंधित ग्राम के आंगनबाड़ी केन्द्र के सूचना पटल म हावय। नियुक्ति के संबंध म अऊ जरूरी जानकारी परियोजना कार्यालय ले मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।