Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

'योगा से ही होगा' : शिल्पा शेट्टी कुंद्रा सुरू करिस 5 महीना बाद फेर शूटिंग, विघ्नहर्ता भगवान गणेश सब बने करही

बॉलीवुड.22। मुंबई माया नगरी जिहां 24 घंटा लोगन मन काम बुता करत रिथे तिहां कोरोना राई के सेती बेरा थिरागे रिहिसे। लोगन मन घरे म धंधाये रिहिस, मन अशांत, राशन पानी के खंगता। अइसन बखत म अपन धीरे-धीरे काम सुरू होए ले न सिरिफ पइसा हाथ आही बल्कि मन म आन होही, निराशा दुरियाही। 

आज बॉलीवुड के बड़का कलाकार शिल्पा शेट्टी कुंद्रा ह सोशल मीडिया म वीडियो शेयर करत लिखे हाबे के योगा से ही होगा के आज 5 महीना बाद फेर ले शुटिंग शुरू होवत हाबे। ‘कोनो भी स्थिति संग शांति बनाये के सबले बने तरीका धीरे-धीरे परिवर्तन के अनुकूल होना हावय। येकरे सेती 5 महीना के बाद मैं कुछ विशेष शूटिंग करेवं। गणेश चतुर्थी के मउका म कोरोना राई के अगुवा योद्धा मन सादर समर्पित। मैं ओमन खातिर कुछ विशेष करना चाहत हवं जेन मन राई के बखत म अथक मेहनत करिन। सबो जरूरी सावधानी अउ दिशा-निर्देश संग छोटकुन उदीम। मैं ईमानदारी ले प्रार्थना करत हवं कि हमार विघ्नहर्ता भगवान गणेश हमार आसपास के सबो नकारात्मकता, भय अउ बुराई ल दूर करय। ये बात लिखत शिल्पा शेट्टी कुंद्रा ह अपन मेकअप टीम संग गोठबात तको करत हाबे। उंकर मेकअप टीम सावधानी के संग अपन बुता म लगे हावय।


 


कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285