बीजापुर जिला के कड़ेनार, चेरकंटी संग कई गांव बाढ़ के चपेट म, एसडीआरएफ के दल पहुंचात हाबे राशन

बीजापुर.21। छत्तीसगढ़ म सरलग पानी के बरसते हाबे, कहू कम त कहू बहुतेच गिरे हाबे। एसो के बरसा ले सबले जादा छत्तीसगढ़ के वनांचल जिला बीजापुर ह प्रभावित होए हाबे। कई गांव पानी म बुड़गे हावय, लोगन के घर दुवार बोहागे, जीव बचाये खातिर लोगन बने ठउर म पहुंचत हाबे।

बाढ़ ल देखत प्रशासन घलोक चेतलग हावय अउ सरलग आपरेशन चलाके अंदरूनी इलाका म पहुंच के राशन अउ जरूरी समान पहुंचावत हाबे। एसडीआरएफ के दल ह पाछु दिन मिनगाचल नदी के बाढ़ म फंसे 22 ग्रामीण ल रेस्क्यू करके बाहिर निकालिस, गर्भवती महिला ल रेस्क्यू करके अस्पताल लेगिस। जिला प्रशासन बाढ़ के स्थिति म सतत निगरानी राखत सजगता ले अतिसंवेदनशील कड़ेनार, चेरकंटी संग अऊ केऊ गांव म लोगन मनला मदद पहुंचावत हाबे।

एसडीआरएफ के दल के माध्यम से अंदरूनी गांवों में पहुंचाया गया राशन और जरूरी सामग्री
अतिसंवेदनशील कड़ेनार सहित चेरकंटी के ग्रामीणों को मिली सहायता pic.twitter.com/4icr0Bj8bb

— Bijapur (@DistrictBijapur) August 21, 2020