रायगढ़.19। छत्तीसगढ़ के रायगढ़ म कोरोना राई के सेती 17 अगस्त के बाद ले एक सप्ताह के लॉकडाउन लगाये के हावय। जिला कलेक्टर श्री भीम सिंह के मुताबिक कंटेंटमेंट जोन अउ शहर म कोरोना के रैंडम जांच के संबंध म नागरिक मनले शासन-प्रशासन के जारी दिशा निर्देश के पालन अउ सहयोग करे के अपील करे गे हावय। संग म यहू बात केहे गे हावय के बिगर कोनो ठोस बुता के घर ले बाहिर झिन निकला। घर ले निकलव तो मास्क अउ सामाजिक दूरी के पालन जरूर करव।
कोरोना के संक्रमण ल देखत रायगढ़ पुलिस तको कड़ाई ले लोगन ल समझाइस देवत हाबे। जेन नी मानत हाबे तिकर ऊपर कार्यवाही तको करत हाबे। लॉकडाउन के दूसर दिन पुलिस ह नगर म सघन जांच करत बिगर मास्क वाले 310 मनखे के चालान काटे हावय। अइसने 35 गाड़ी मनके 13,900 रूपिया जुर्माना, 52 वाहन ल थाना अमराये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।