मध्यप्रदेश सरकार के बड़का फैसला, राज्य के संसाधन अउ नौकरी सिरिफ मध्यप्रदेश के लइका मन बर

भोपाल.18। मध्यप्रदेश के मुख्यमंत्री श्री चौहान ह आज बड़का फइसला करे हावय के अब ले मध्यप्रदेश के सबो सरकारी नौकरी मन म पहिली अधिकार मध्यप्रदेश के नोनी-बाबू मनके होही। ये बात के आरो देवत ओमन अपन आधिकारिक टविटर म लिखथे के ‘मोर भांचा-भांची हो आज ले मध्यप्रदेश के संसाधन म पहिली अधिकार मध्यप्रदेश के लइका मनके होही। सबो शासकीय नौकरी सिरिफ मध्यप्रदेश के लइका मन खातिर आरक्षित रइही। हमर लक्ष्य प्रदेश के प्रतिभा मनला प्रदेश के उत्थान मे सामिल करे के हावय।’  

मध्यप्रदेश के युवा मनके भविष्य ‘बेरोजगारी भत्त’ के टेकनी म टेके राहय अइसन हमर लक्ष्य न रिहिस अऊ न राहय। जेन इहां के मूल निवासी हे उही शासकीय नौकरी म आके प्रदेश के भविष्य संवारय इही मोर सपना हावय। लइका हो, खूब पढ़व अउ फेर सरकार म सामिल होके प्रदेश के भविष्य गढ़व।

शिवराज सरकार के अइसन फैसला ले प्रदेश के मूल निवासी युवा मन म जबर उत्सायह देखे जावत हावय। पढ़े-लिखे नोनी-बाबू मनके हक ल आन राज के लइका मन मार लेथे तेन म अब रोक लगही। ये नीक अउ सीख के गोठ के चारी अब आन राज के सरकार मनला तको हूदरही के प्रदेश के नोनी-बाबू मन खातिर अइसन उदीम करे जाए।

मेरे प्यारे भांजे-भांजियों! आज से मध्यप्रदेश के संसाधनों पर पहला अधिकार मध्यप्रदेश के बच्चों का होगा। सभी शासकीय नौकरियाँ सिर्फ मध्यप्रदेश के बच्चों के लिए ही आरक्षित रहेंगी। हमारा लक्ष्य प्रदेश की प्रतिभाओं को प्रदेश के उत्थान में सम्मिलित करना है।#MPjobs4MPstudents pic.twitter.com/f0DEkpAvxh

— Shivraj Singh Chouhan (@ChouhanShivraj) August 18, 2020