मरवारी.19। छत्तीसगढ़ शासन कोति ले गौरेला-पेण्ड्रा-मरवाही जिला के मरवाही ल नगर पंचायत गठित करे के संबंध म अधिसूचना जारी करे हावय। जेकर राजपत्र म प्रकाशन 18 अगस्त 2020 ले होगे। जारी अधिसूचना के अनुसार मरवाही नगर पंचायत म ग्राम पंचायत मरवाही, लोहारी अउ कुम्हारी ल तको शामिल करे गे हावय। ये संबंध म अवइया 30 दिन के भीतर कोनो भी स्थानीय प्राधिकारी या व्यक्ति अपन आपत्ति, सुझाव कलेक्टर गौरेला-पेण्ड्रा-मरवाही ल उंकर कार्यालय म कार्यालयीन दिवस अउ समय म प्रस्तुत कर सकत हाबे।
जानबा होवय के मुख्यमंत्री श्री भूपेश बघेल ह 9 अगस्त के विश्व आदिवासी दिवस के मउका म वीडियो कांफ्रेंसिंग के माध्यम ले मरवाही के जनता ले गोठबात करत मरवाही ल नगर पंचायत के दर्जा दे के घोषणा करे रिहिन। घोषणा म अमल करत मरवाही ल नगर पंचायत के दर्जा खातिर राजपत्र म अधिसूचना प्रकाशित कर दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।