Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

किसान के बेटा जब मुख्यमंत्री बनथे तव योजना तको किसान बर बनथे : राज्यसभा सांसद श्रीमती छाया वर्मा

रायपुर.23। छत्तीसगढ़ प्रदेश के दुलरवा मुख्यमंत्री भूपेश बघेल जी ल जनम दिन के मउका म राज्यसभा सांसद श्रीमती छाया वर्मा बधाई दे हावय। ओमन ये मउका म जारी बधाई संदेश म किहिन के जब किसान के बेटा मुख्यमंत्री बनथे तव योजना तको किसान मन बर बनथे। पाछु 15 बछर म धान के कटोरा ले धान नंदागे रिहिस, अब देखहू जब छत्तीसगढि़या मुख्यमंत्री बने हावय कइसे छत्तीसगढ़ के धान कटोरा लहलहाही। 

अगर छत्तीसगढ़ के तीज, तिहार अउ परब-संस्कृति के बात करन तव सबला हमर मुखिया ह उठाये के काम करत हाबे। हमन अपन लोक परब पोरा-तीजा ल मनाये पाछू दिन, अइसे पहिली पइत होइस जब सीएम हाउस म छत्तीसगढ़ के कला संस्‍‍कृति अउ परंपरा के नवा रंग देखे बर मिलिस। येकर पहिली तो लगबे नइ करत रिहिसे ये छत्तीसगढ़ आए। कोनो कल्पना नइ करे सकत रिहिस तइसन-तइसन योजना हमर मुख्यगमंत्री ह लाने हाबे। किसान न्याय योजना, गोवर्धन योजन ये सब ले हमर गांव के किसान मन आत्मनिर्भर बनत हाबे। सही मायने म अब लागत हाबे ये छत्तीसगढ़ राज आए, इहां कोनो छत्तीसगढि़या मुख्यमंत्री बइठे हाबे। आगू घलोक ओमन छत्तीसगढ़ ल आगू बढ़ावत, देश-दुनिया म अलग चिन्हारी देवाही अइसे विश्वास हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285