श्री तिवारी जी ह वेबिनार म नाचा के शुरूआती दिन, अऊ कइसे नाचा धीरे-धीरे गांव के गुड़ी विश्वपटल म पहुंचित तेकर विस्तार ले जानकारी दिस। तइहा समे म खड़े साज के नाचा के कलाकार उंकर गीत, संगीत, अभिनय अउ प्रस्तुतिकरण तिवारी जी के आखर ले देखे बर मिलिस। नाचा कब अउ काकर ले पहिली सुरू होइस ये विषय म काकरो नाव धरना संभव नइये फेर ये विधा के उन्नायक के रूप म दाऊ दुलार सिंह मंदराजी के नाव बड़े सम्मान के साथ ले जाथे। मसाल के अंजोर म चिकारा अउ मंजीरा के संगत ले जनरेटर संग आधुनिक वाद्य के बहुरंगी प्रस्तुतिकरण मंदराजी के देन आए।
नाचा के विषय म बहुत ही महत्वपूर्ण अउ तथ्यात्मक जानकारी वेबिनार म साझा करत संस्कृति कर्मी श्री अशोक तिवारी जी ह मुहांचाही के बीच म नाचा गीत के जीवंत प्रस्तुतिकरण तको देवाइन। प्रहसन, गम्मत अउ प्रस्तुतिकरण के साथ ही जोकड़ गीत, नजरिया गीत के अद्भुत समागम देखे बर मिलिस लोक संगीतज्ञ श्री राकेश तिवारी अउ उंकर साथी के संगत म। ऑनलाइन कार्यक्रम होए के सेती येला दक्षिण मध्य क्षेत्र सांस्कृतिक केंद्र ले जुड़े छत्तीऑसगढ़ के अलावा अऊ आन प्रदेश के, आम दर्शक मन देखिन अउ आनंद उठाइन।
दक्षिण मध्य क्षेत्र सांस्कृतिक केंद्र, नागपुर के सोशल मीडिया ठिहा म ये वीडियो ल देखे जा सकथे-
- facebookhttps://www.facebook.com/SCZCC/
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।