तोला गाड़ा-गाड़ा जोहार दाऊ.... माननीय मुख्यमंत्री भूपेश बघेल घर जनम दिन के बधाई के लगगे झड़ी

रायपुर.23। छत्तीसगढ़ के मुख्यमंत्री श्री भूपेश बघेल के आज जनम दिन आए। ये मउका म उनला बधाई दे खातिर लोगन मन ल भले ही कोरोना राई के सेती निवास आए के मना करे गे हाबे तभे ले लोगन मन पहुंचत हाबे। मुखिया जी केहे हाबे के सोशल मीडिया के माध्यम ले आप सबो के बधाई ल स्वीकारत हवं। एसो तो खलक उजरगे सोशल मीडिया म बधाई संदेश के, फेसबूक, ट्विटर, इंस्टाग्राम संग आन सबो मन हक खागे हावय मेसेज ले। आजे नहीं मुखिया जी के बधाई दे के सिलसिला दू दिन आगहू ले चलत हाबे। ये पहिली मउका आए जब प्रदेश के गांव-गांव के लोगन मन छत्तीसगढ़ के दुलरवा मुखिया, माटी पुत्र भूपेश बघेल ल एकउहा मया दुलार पठोवत हाबे। लोगन कहात हाबे तोलो गाड़ा-गाड़ा जोहार दाऊ...।