रायपुर.26। कोरोना राई के सेती पाछु कई महीना ले बंद अंतरराज्यीय बस अउ आन सार्वजनिक परिवहन सेवा छत्तीसगढ़ म फेर ले शुरू करे के मिलिस अनुमति। कार्यालय परिवहन आयुक्त कोति ले जारी आदेश के मुताबिक जारी दिशा निर्देश के पालन करत छत्तीसगढ़ म बस सेवा शुरू करे जाही। आदेश के मुताबिक करार दिन अउ बेरा म ही बस चलही, बस के सबो मनखे मन मास्क पहिनहि, चढ़त-उतरत अउ बइठत बखत सोशल डिस्टेंसिंग के पालन करही। अऊ बस म सेनेटाईजर के साथ ही चालक के दल के साथ सवारी मनके तको रिकॉर्ड राखे बर परही। बस म सफर करत बखत कोनो प्रकार के पान, गुटका, खैनी खाना अउ थूकना मना हावय। चालक मनके अलग केबिन रइही, बस म केबिन नइ रेहे ले प्लास्टिक के पर्दा ले केबिन बनाके अलग रहे ल परही।
Interstate bus and other public transport services allowed to resume in Chhattisgarh pic.twitter.com/ou47k1U2WQ
— kamal preet singh (@KPSingh_IAS) August 26, 2020
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।