जेईई अउ नीट के परीक्षार्थी मन खातिर शासन कोति ले निःशुल्क वाहन सुविधा, धमतरी जिला वाले मन तुरते आरो करव मोबाईल नंबर म

धमतरी.30। राष्ट्रीय स्तर म आयोजित हवेइया प्रवेश परीक्षा आई.आई.टी., जी मेंस अउ नीट के परीक्षार्थी मन खातिर छत्तीसगढ़ शासन डहर ले निःशुल्क वाहन के बेवस्था करे गे हावय। जानबा होवय के अवइया 1 ले 6 सितंबर तक जी मेंस अउ मेडिकल ‘नीट’ के परीक्षा 13 सितंबर के होही। 

जिला कलेक्टर ह धमतरी जिला के परीक्षार्थी मन खातिर नोडल अधिकारी नियुक्त करे हावय। इच्छुक अभ्यर्थी मन काली शाम पांच बजे तक संपर्क करके पंजीयन करा सकही। लड़की मन संग ओकर पालक मन तको जा सकही अऊ जेन मन अपन साधन म जाना चाहत होही ओमन भी जा सकथे। 

मिले आरो के मुताबिक नोडल अधिकारी, डिप्टी कलेक्टर सुश्री अर्पिता पाठक मोबाईल नंबर 81037-99568, परिवहन अधिकारी गौरव साहू मोबाईल नंबर 97701-38394। जिला शिक्षा अधिकारी श्रीमती रजनी नेल्सन मोबाईल नंबर 99775-26679 म सम्पर्क करे जा सकत हावय। अइसने एसडीएम धमतरी मनीष मिश्रा मोबाईल नंबर 94242-81408, एसडीएम कुरूद श्रीमती योगिता देवांगन मोबाईल नंबर 96176-62465 अउ एसडीएम नगरी सुनील शर्मा के मोबाईल नंबर 70007-19991 म सम्पर्क करे जा सकत हावय।