नरवा, गरूवा, घुरवा, बारी योजना ले ज्योति महिला स्व सहायता समूह सोरम के महिला मन सामुहिक बारी म कामवत हाबे मुनाफा

धमतरी.30। ग्राम पंचायत सोरम के गौठान म नरवा, गरूवा, घुरूवा, बाड़ी के तहत उद्यानिकी विभाग ले अनुदान लेके ज्योति महिला स्व सहायता समूह के महिला मन दू एकड़ रकबा म सामुहिक बारी लगाये हाबे। सहायक संचालक, उद्यान डी.एस.कुशवाहा के बताये मुताबिक महात्मा गांधी राष्ट्रीय ग्रामीण रोजगार गारंटी योजना अउ उद्यानिकी विभाग के योजना मनके अभिसरण करत इहां के बंजर भुइंया म फलदार पौधा के साथ-साथ साग-भाजी बरबट्टी, भिण्डी, लौकी, कुंदरू लगे हावय। 

धमतरी जिला पंचायत सदस्य श्रीमती कविता बाबर, जनपद सदस्य श्रीमती अनुपमा साहू, श्रीमती नंदनी साहू अउ विभागीय अधिकारी मनके उपस्थिति म सब्जी फसल के पहिली तुड़ाई करे गिस। जेमा 10 किलो बरबट्टी अउ 25 किलो गिल्की के निकलिस हावय। जुरियाए जनप्रतिनिधी अउ अधिकारी मन हाथो हाथ सब्जी ल बिसा डरिन। 04-50 रूपिया किलो के भाव ले पहिलीच दिन समूह के महिला मनला 1650 रूपिया के आमदनी होऐ ले ओमन गजब मगन हावय।