सियान मनके जतन बर सुरक्षित दादा-दादी, नाना-नानी अभियान, घर-घर जाके करत हावय जागरूक

बीजापुर.29। जिला म सुरक्षित दादा-दादी, नाना-नानी अभियान ले लोगन ल जागरुक करे जावत हावय के खास करके 60 साल ले आगर के सियान मनके कोरोना वायरस संक्रमण के खतरा ल देखत बने देखभाल करे जाए। बीजापुर जिला म कलेक्टर रितेश कुमार अग्रवाल जी के मार्गदर्शन म ये अभियान ल सुचारु रुप ले चलाये जावत हावय। 

जिला म ये अभियान के नोडल अधिकारी गौरव पाण्डेय के मुताबिक सुरक्षित दादा-दादी, नाना-नानी अभियान ले सियान मनके फोन के माध्यम ले जानकारी लेवत, स्वास्थ्य, पेंशन अउ राशन जइसन सुविधा अऊ आन जरूरत के जानकारी ले जात हाबे। मिले आरो के मुताबिक स्वास्थ्य विभाग के टीम म बीएमओ डॉ. आदित्य साहू अउ बीपीएम योगेश भगत के विशेष सहयोग हावय। अइसने पेंशन प्रकरण के निराकरण, राशन कार्ड ले जुड़े समस्या  के निराकरण करे जावत हावय। 

सुरक्षित दादा-दादी, नाना-नानी अभियान के तहत् भोपालपटनम ब्लॉक म सीईओ जनपद पंचायत मनोज बंजारे ह स्वयं बैंक सखी के साथ घर पहुंच के पेंशन देवत हावय। जेमा अब तक कुल 169 लाख 83 हजार 612 रुपिया पेंशन के भुगतान करे जा चुके हावय।