प्रशासन ये मुहिम ले प्रभावित होके अब स्थानीय लोगन मन तको येकर हिस्सा बनत लापरवाही बरतइया मनला टोकत हाबे। येकर बाद भी जेन नइ माने तेकर उपर सख्ती बरतत चलानी कार्रवाई करे जावत हाबे। कोरोना के बनत चेन ल रोके बर कोविड रोकथाम खातिर जारी दिशा-निर्देश के पालन करत स्वयं अउ अपन परिवार के जिंदगी ल सुरक्षित राखना हाबे।
रायपुर संग बिरगांव नगर पालिक निगम म कोविड स्पेशल फोर्स के जागरुकता महाअभियान, मास्क अउ सोशल डिस्टेंसिंग के दिस समझाइस
अगस्त 21, 2020
0
रायपुर.21। जिला कलेक्ट्र के निर्देश म कोविड स्पेशल फोर्स ह आज रायपुर अउ बिरगांव नगर पालिक निगम बाजार क्षेत्र के निरीक्षण करत लोगन ल मुंह, नाक ल बने मास्क ले तोपे अउ सोशल डिस्टेंसिंग के पालन करे के समझाइस दिस। जानबा होवय के कोरोना संक्रमण के रोकथाम खातिर जिला प्रशासन के मार्गदर्शन म शहरभर म जागरुकता महाअभियान चलत हावय। जिला पंचायत के मुख्य कार्यपालन अधिकारी के नेतृत्व म ये महाअभियान म प्रशासनिक अमला सहित 50 स्वयं सेवी संगठन के 500 ले आगर वालेंटियर्स बिहनिया ले सड़क म निकल के मास्क पहिने अउ सोशल डिस्टेंसिंग के पालन करे के अपील करथे।
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।