कोरोना संक्रमित आदमी नइ राहय अब होम आइसोलेशन म, सेम्पल दे म मना करे म होही एफआईआर : कलेक्टर श्री भीम सिंह

रायगढ़.24। जिला म सरलग बाढ़त कोरोना संक्रमण ल देखत कलेक्टर ल अपन कक्ष म एडीएम श्री राजेन्द्र कटारा, सीईओ जिला पंचायत सुश्री ऋचा प्रकाश चौधरी, मडिकल कालेज के डीन डॉ. लूका, मुख्य चिकित्सा अउ स्वास्थ्य अधिकारी डॉ.एस.एन.केशरी के साथ बइठक ले के संक्रमित मरीज मनके के इलाज अउ बीमारी के फैलाव ल रोके खातिर करे जावत उपाय के समीक्षा करिन। ओमन बताइन के रायगढ़ शहर म वार्डवार रैंडम सेम्पल लेके जांच कराये ले संक्रमित मरीज के पहचान होही।

प्रशासन डहर ले संक्रमित मरीज मनके इलाज खातिर अलग-अलग क्षेत्र म कोविड अस्पताल बनाये गे हावय अफ बेड ल तको बढ़ाये जावथे। शहरी क्षेत्र म हाई रिस्क (डायबिटीज, ब्लड प्रेशर, हृदय अउ किडनी रोग) वाले 5237 व्यक्ति मनला चिन्हांकित करे गे हावय जेमा सिरिफ 1244 व्यक्ति ही अपन सेम्पल दे हावय। कलेक्टर श्री सिंह ह अपील करे हावय के गंभीर बीमारी ले ग्रस्त व्यक्ति अउ उंकर परिवार के आन सदस्य अपन सुरक्षा ल देख सेम्पल देके जांच करावें। आगू ओमन किहिन के जेन आदमी सेम्पल दे म मना करही ओकर विरूद्ध एफआईआर दर्ज करके कार्यवाही करे जाही।

कलेक्टर श्री सिंह ह यहू बात किहिन के होम आईसोलेशन म शासन के गाइड लाइन के पालन नइ होवत हाबे, होम आइसोलेशन के तीन प्रकरण म मरीज के घर के आन सदस्य तको संक्रमित होगे ये सेती अब होम आइसोलेशन के सुविधा नइ दे जावय। कोविड अस्पताल म रहिके ही इलाज कराये ल परही।