साफ पानी के खातिर 17 हजार 230 जल स्त्रोत के करे गिस क्लोरीनेशन, जल जीवन मिशन के बुता तको सुरू

अंजोर
0

रायगढ़.24। जिला कलेक्टर श्री भीम सिंह ह बरसात अउ कोरोना महामारी के बीच लोगन ल पीये बर साफ पानी मिले अउ जलजनित रोग ले बचाव खातिर सबो जरूरी उपाय करने के निर्देश लोक स्वास्थ्य यांत्रिकी विभाग के अधिकारी मनला समीक्षा बइठक म दीस। ये मउका म ओमन किहिन के गांव म पीये के साफ पानी बेवस्था जरूरी हावय, लघियात ये बुता होना चाही।

निर्देश के बाद लोक स्वास्थ्य यांत्रिकी विभाग ह जबर बुता करत जिला म हैण्डपंप अउ जल जीवन मिशन अंतर्गत निर्मित टंकी मनके सफाई, क्लोरीनेशन करे गिस। मिले आरो के मुता‍बिक कुल 17230 जल स्त्रोत के क्लोरीनेशन करे गे हावय जेमा 14059 हैण्डपंप, 2696 सिंगल फेस पावर पंप, 330 नल-जल योजना स्त्रोत अउ 145 स्थल जल योजना स्त्रोत सामिल हावय। अऊ 188 पानी के टंकी के सफाई करे गिस।

जल जीवन मिशन अंतर्गत रायगढ़ जिला के ग्रामीण इलाक म घरोघर नल कनेक्शन दे के योजना हाबे। जेमा जोर-सोर ले काम चलत हाबे। पीएचई अउ क्रेडा मिलगे टंकी निर्माण, सोलर पम्प लगाही, घर तक कनेक्शन पहुंचाना पीएचई के जिम्मेदारी हावय। मिशन के शुरूआती चरण म 92 सोलर पम्प योजना ल स्वीकृति मिली हावय जेमा 7 नग सोलर पम्प खातिर क्रेडा विभाग ल 93.24 लाख रुपिया जारी होगे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !