गौठान म बीमार अउ सड़क म घायल होवत गाय मनके अब होवत हाबे बने उपचार

कोण्डागांव.26। गौठान म कोनो प्रकार के गाय मनला तकलीफ झिन होवय ये बात के धियान अब पशुचि‍कित्सक मन राखत हाबे। पशुधन विभाग डहर ले मिले आरो के मुताबिक पाछू दिन सड़क हादसा म कुछ गाय मनके घायल होए के बाद नगरपालिका ह ओमन ल गोठान म लाये रिहिन। गोठान म आये के बाद पशुचिकित्सक मन गाय मनके जांच करिन। पशु मनके स्वास्थ्य म गिरावट के खबर ल संज्ञान म लेवत कलेक्टर पुष्पेन्द्र कुमार मीणा ह सबो मवेशी मनके जांच खातिर पशु चिकित्सक के दल बनाके जांच खातिर निर्देशित करिन। पशु चिकित्सक दल अपन आन कर्मचारी संग मउका म पहुंचके गाय मनके जांच करत बीमार मिले मवेशी मनके देखरेख खातिर दल ह दिन म दू बार गौठान के निरीक्षण करथे। ये संबंध म उप संचालक पशुचिकित्सा विभाग के बताये मुताबिक वर्तमान म गोठान म 39 मवेशी हावय जेमा 15 गाये, 2 बइला इउ 22 बछवा।