दंतेवाड़ा.26। जिला कलेक्टर ह दंतेवाड़ा म अवइया 01 सितम्बर तक दण्ड प्रक्रिया संहिता 1973 के धारा-144 ल प्रभावशील करे खातिर पारित आदेश म केहे हावय के कोरोना वायरस कोविड-19 के संक्रमण ल देखत विश्व स्वास्थ्य संगठन डहर ले कोरोना वायरस ल संक्रामक बीमारी घोषित करे गे हावय जोन विश्व के कई देश म महामारी के रूप लेवत हावय। अइसन म कोरोना वायरस संक्रमित अउ संदेही मनले दूरिहा रहे के हिदायत दे गे हावय।
नगर पंचायत गीदम स्वास्थ्यगत आपातकालीन स्थिति ल नियंत्रण म रखे खातिर सभा, धरना, रैली, जुलुस संग धार्मिक, सांस्कृतिक, सामाजिक, राजनैतिक, खेल-कूद संबंधी आयोजन, फोकट घूमना, वैवाहिक कार्यक्रम, शिक्षण संस्था, स्पोर्टस काम्पलेक्स, रेस्टोरेंट, पार्क, क्लब हाऊस अउ अइसने आन व्यकवसायिक ठउर बंद रइही।
5 ले आगर आदमी सार्वजनिक या निजी स्थान म जमा होवे म पाबंदी लगाये गे हावय। संझा 7 बजे ले बिहनिया 7 बजे तक सबो गैर जरूरी आवाजाही सख्ती ले प्रतिबंधित रइही। बैंक म 10 ले आगर आदमी जमा नइ होना। कोरोना सवंमित व्यक्ति या अइसन व्यक्ति के संपर्क म आये हुए आन कोनो आदमी ईलाज या निगरानी जांच निरीक्षण दल ल मना करही या जानकारी दे म मना करही त ओकर खिलाफ कार्यवाही होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।