ये मउका मुख्यमंत्री श्री भूपेश बघेल ह जनप्रतिनिधी मनके मांग म मरवाही ग्राम पंचायत ल नगर पंचायत बनाये के घोषणा करे हावय। संग म नव-गठित अनुविभाग मरवाही म अनुविभागीय अधिकारी पुलिस के नियुक्ति अउ जिला के आठ प्रमुख सड़क के निर्माण खातिर 42 करोड़ रूपिया संग 16 सड़क के संधारण खातिर 9 करोड़ रूपिया के स्वीकृति दे हावय। जिला म दू इंग्लिश मीडियम स्कूल के स्वीकृति होए हाबे।
गौरेला-पेन्ड्रा-मरवाही जिला म पूर्णकालिक महिला अउ बाल विकास अधिकारी के नियुक्ति तको होही। अऊ जिला म हाट बाजार क्लिनिक योजना खातिर अतिरिक्त चिकित्सक, पैरा मेडिकल स्टाप, एम्बुलेंस के स्वीकृति प्रदान करे गीस। मुख्यमंत्री ह पेन्ड्रा पतगंवा सड़क, पतगंवा झाबर बारी उमरांव सड़क, भदौरा सरवानी खोडरी सड़क, सपनी ले डोंगरिया सड़क, भर्रीडांड पीपरडोल सड़क द्व मनेन्द्रगढ़ मेन रोड बगरार सड़क, चंगेरी मोड़ ले भेड़वानाला सड़क, सिवनी ले धरहर गुर्जरटोला सड़क, गौरेला जलेश्वर सड़क के नवीनीकरण के बुता ल तको स्वीकृति दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।