दुर्ग, कोण्डागांव अउ सुकमा जिला म ग्रामोद्योग प्रक्षेत्र : छत्तीसगढ़ खादी, ग्रामोद्योग बोर्ड के नवाचार

अंजोर
0

रायपुर.09। राज्य म ग्रामोद्योग के गतिविधी के माध्यम ले जादा ले जादा लोगन ल रोजगार ले जोड़े के पहल शुरू कर देगे हावय। छत्तीसगढ़ खादी, ग्रामोद्योग बोर्ड कोति ले राज्य के दुर्ग, कोण्डागांव अउ सुकमा जिला म ग्रामोद्योग के गतिविधी ल बढ़ावा दे खातिर ग्रामोद्योग प्रक्षेत्र स्थापित करे जाही। ये बात के आरो प्रदेश के छत्तीसगढ़ खादी अउ ग्रामोद्योग बोर्ड के नवनियुक्त अध्यक्ष श्री राजेन्द्र तिवारी ह बोर्ड के अधिकारी मनके बइठका के बाद दे हावय। ये संबंध म मुख्यमंत्री श्री भूपेश बघेल अउ ग्रामोद्योग मंत्री गुरू रूद्रकुमार के विशेष पहल म संबंधित जिला प्रशासन डहर ले भूमि आबंटन के प्रक्रिया शुरू कर देगे हावय। दुर्ग जिला के सेलूद ग्राम म स्थापित होवइया ग्रामोद्योग प्रक्षेत्र म सोलर चरखा ले पोनी धागा कताई अउ लूम ले कपड़ा बुनाई के प्रशिक्षण दिए जाए के तैयारी अंतिम चरण म हावय। इहां ग्रामीण ल रोजगार ले जोड़े के उद्देश्य ले खादी उत्पादन केन्द्र तको शुरू करे जाही।

छत्तीसगढ़ खादी अउ ग्रामोद्योग बोर्ड के बठका म आगू विभाग के कामकाज के गतिविधी के विस्तार ले समीक्षा करे गीस। बैठक म प्रबंध संचालक श्री राजेश सिंह राणा ह खादी अउ ग्रामोद्योग बोर्ड के वर्तमान गतिविधी के विस्तार ले जानकारी दीस। ओमन बताइन के राज्य म 219 ग्रामोद्योग इकाई संचालित हावय अउ शासन डहर ले तीन करोड़ 5 लाख रूपिया के अनुदान मिले हावय। ग्रामोद्योग इकाईयों के माध्यम ले 1500 ले आगर लोगन ल रोजगार उपलब्ध कराये जात हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !