रायगढ़ कैश वेन लूट अउ हत्या म बिहार के आरोपी, 14.5 लाख रूपिया के साथ पिस्ट‍ल बरामद

रायगढ़.04। रायगढ़ के किरोड़ीमल नगर आजाद चौक के एटीएम म रूपिया डारत बखत दू नकाबपोश मन गनमैन ल गोली मारके कैश ले भरे बैग धर के फरार होगे रिहिसे। थाना कोतरा रोड़ के मुताबिक ड्रायविंग सीट म ही ड्राइवर ल सीना म गोली लगे ले मउत होगे अउ गनमैन विनोद पटेल के पेट म गोली लगे हाबे जोन अभी अस्पताल म हावय। पुलिस कोति ले आरो मिले हाबे के आरोपी मनला पुलिस ह नाकाबंदी करत 10 घंटा के भीतर ही धर दबोचिस। रायगढ़ पुलिस के उच्च अधिकारी मनके मार्गदर्शन म लोकल आसूचना, नाकाबंदी अउ सीसीटीवी के मदद ले जबर सफलता मिलिस। आरोपी मनके हाथ ले रकम के साथ हथियार तको बरामद होए हाबे।

पुलिस के बयान के मुताबिक कोतरा रोड़ एटीएम लटू अउ हत्याि के आरोप म पकड़ाये दूनो आरोपी बिहार के रहइया बताये गे हाबे। येमा के एक अपराधी पहिली तको अइसन घटना ल अंजाम दे चूके हाबे अउ दूसर ह पहिली पइत आए रिहिसे। आरोपी मन ल बड़ सूझबुझ के साथ पकड़े गिस उंकर मेर ले पिस्टाल तको मिले हाबे। पुलिस के कहना हाबे के ओमन पुलिस टीम उपर हमला करे के फिराक म रिहिसे। 

जानव कइसे अउ कब घटिस ये घटना- 

केवडाबाडी स्टेट बैंक के मुख्य शाखा ले 3,14,00,000 रूपिया (तीन करोड चौदह लाख रूपये) पेटी म भरके नवरतन रात्रे, भीषण कुमार रात्रे, गनमैन विनोद पटेल अउ वाहन चालक अरविन्द पटेल CMS वाहन म ATM म रकम डाले खा‍तिर निकले रिहिसे। आन एटीएम म कैश डारे के बाद केवडाबाडी ढिमरापुर होवत आजाद चौक किरोडीमल नगर के एटीएम पहुंचिस। गाड़ी ले पेटी ल निकाल के 1300000 रूपिया अउ आन एटीएम के एक्सेस रकम करीब एक लाख पचास हजार रूपये लेके कर्मचारी मन भीतर गिस। तभे बाहिर ले गोली चले के आरो मिलिस। मुंह म नकाब बांधे दू झिन आदमी मन ड्राईवर अउ गनमैन ल गोली मारे के बाद अंदर अइस अउ गोली चलावत बैग म कुल रकम 1450000 रूपिया सहित खींचके मोटर सायकल म फरार होगे। मौका पहुंचे पुलिस ल घटना स्थल म आरोपी कोति ले गोली के निशान के साथ ही खाली खोखा 06 नग परे मिलिस। अपराध क्रमांक 0/2020 आयुध अधिनियम, 1959 के धारा 25, 27 अउ भादंसं 1860 के धारा 397, 302, 307, 34 के तहत अपराध पंजीबद्ध करके आगू के कार्यवाही करे जावत हाबे।

रायगढ़ में कैश वैन लूटपाट करने वाले #internationalGang के दो #Gangster गिरफ्तार

पुलिस की 8 टीमों ने 10 घंटे में घटना का किये पर्दाफाश@ChhattisgarhCMO @CG_Police @DPRChhattisgarh @cgdial112 @ipskabra @SantoshSinghIPS @RaigarhDist

For details Click https://t.co/ei8lbsoDiJ pic.twitter.com/gpJQN8bKvg

— Raigarh Police (@RaigarhPolice) July 4, 2020

डीएम अवस्थी दीस पुलिस टीम ल बधाई-

रायगढ़ पुलिस ल मिले बड़का सफलता म श्री डीएम अवस्थी छत्तीसगढ़ पुलिस महानिदेशक कोति ले लघियात कार्रवाई खातिर बिलासपुर रेंज आईजी, पुलिस अधीक्षक रायगढ़ सहित पूरा पुलिस टीम ल बधाई देगे हावय।