बेमतरा जिला चिकित्सालय परिसर म अब आईसोलेशन सेन्टर, कोविड केयर सेन्टर सुरू होइस

अंजोर
0
बेमेतरा.04। वैश्विक महामारी कोरोना वायरस संक्रमण ले निपटे खातिर जिला मुख्यालय बेमेतरा म अब आईसोलेशन सेन्टर, कोविड केयर सेन्टर प्रारंभ होगे। डीपीआर के मुताबिक कलेक्टर श्री शिव अनंत तायल ह जिला चिकित्सालय परिसर स्थित 40 बिस्तर वाले अस्पताल के शुभारंभ करिस। अस्पताल म सेन्ट्रल कमाण्ड रुम, अलग-अलग पुरुष वार्ड अउ महिला वार्ड बनाये गे हाबे। आईसोलेशन सेन्टर, कोविड केयर सेन्टर अस्पताल के प्रारंभ होए ले अब कोरोना संक्रमण के जाँच पीपीई कीट के जरिए होही। येकर पहिली बिना लक्षण वाले सेम्पल जाँच खातिर रायपुर अउ दुर्ग भेजे जावत रिहिसे। 

आरो के मुताबिक अस्पताल के शुभारंभ के मौका म पुलिस अधिक्षक दिव्यांग कुमार पटेल, अपर कलेक्टर संजय कुमार दीवान, एएसपी विमल कुमार बैस, मुख्यचिकित्सा अउ स्वास्थ्य अधिकारी डॉ. एस के शर्मा, नवनियुक्त सिविल सर्जन सह-अस्पताल अधिक्षक डॉ. वन्दना भेले अउ कोविड-19 प्रभारी डॉ ज्योति जसाठी उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !