सामुदायिक स्वास्थ्य केंद्र ग्राम झीट खातिर विशेष साप्ताहिक क्लिनिक सुरू होइस

दुर्ग.02। दुर्ग जिला के पाटन तिर के गांव झीट म महिला मनला बने स्वास्थ्य सुविधा देवाये खातिर जीवनदीप समिति कोति ले विशेष साप्ताहिक क्लिनिक सुरू करे गिस। सामुदायिक स्वास्थ्य केंद्र झीट म अब ले हरेक गुरूवार के गायनेकोलॉजिस्ट सेवा देही। विशेष साप्ताहिक क्लिनिक के सुरूआत जनपद अध्यक्ष पाटन श्रीमती रामबाई सिन्हा अउ उपाध्यक्ष देवेंद्र चंद्रवंशी ह करिन। जिला कलेक्टर डॉ. सर्वेश्वर भूरे के निर्देश म जीवनदीप समिति के माध्यम ले निजी चिकित्सक के सुविधा उपलब्ध  होगे अब लघियात डीएमएफ मद ले सोनोग्राफी के सुविधा तको सुरू होही। दुर्ग जिला के आधिकारिक ट्वीट के मुताबिक अब उहां गर्भवती मनके जांच, गर्भावस्था म विशेष परामर्श, गर्भवती स्त्री अउ गर्भस्थ शिशु के पोषण के स्थिति के संगे-संग किशोरी बालिका मनला तको बने स्वास्थ्य सुविधा मिलही।

सामुदायिक स्वास्थ्य केंद्र झीट में महिलाओं के लिए विशेष साप्ताहिक क्लिनिक आज से शुरू। हर गुरुवार गायनेकोलॉजिस्ट देंगी सेवाएं।जनपद अध्यक्ष पाटन श्रीमती रामबाई सिन्हा व उपाध्यक्ष श्री देवेंद्र चंद्रवंशी द्वारा शुभारंभ।@DPRChhattisgarh@ChhattisgarhCMO @SarveshNBhure@HealthCgGov pic.twitter.com/IIXOuxMriy

— Durg (@DurgDist) July 2, 2020