बिजली करेंट लगे ले काम करत खैरीडीह-सोरली रहइया मजदूर के मउत

डौण्डीलोहारा.02। बालोद जिला के थाना डौण्डीलोहारा के गांव खैरीडीह म एक घर म काम करत बखत मजदूर के बिजली के करेंट लगे ले मउत होगे। मृतिका के नाम श्रीमती बसंती बाई पति सोमन लाल हल्बा उम्र 32 वर्ष साकिन सोरली बताये गे हाबे। पुलिस के मुताबिक ग्राम खैरीडीह निवासी लखन लाल आलेन्द्र ह घर के छत के ऊपर टावर बनावत रिहिसे। जिहां बसंती बाई नीचे ले ऊपर ईटा चढ़ाये के काम करत रिहिस। छट के तिरे ले 11 के.व्ही. बिजली तार गुजरे हाबे। जेकर विद्युत संपर्क म आये के सेती श्रीमती बसंती बाई के मौके म मउत होगे। थाना दर्ज एफआईआर क्रमाक 0163/2020 के मुताबिक मकान मालिक लखन लाल कोति ले उपेक्षापूर्ण कार्य करवाये अउ लापरवाही बरते के सेती अपराध धारा 304 A भादवि के तहत कार्यवाही करे गिस।