रायपुर.02। राजधानी रायपुर के हिरदे ठउर म 19 एकड़ म बनाए गे ऑक्सीजोन के आज लोकार्पण करिस मुख्यमंत्री श्री भूपेश बघेल। करीब 11 करोड़ के लागत ले बने ये ऑक्सीजोन ले नगरवासी अब बीच शहर म शुद्ध आबो-हवा के साथ सैर अउ भ्रमण के भरपूर आनंद उठा सकही। नगर के रौनक के साथ ही पर्यावरण संरक्षण म अहम भूमिका निभाही। मुख्यमंत्री ह ये मउका म किहिन के शहर के हरियाली बढ़ाये के दिशा म ऑक्सीजोन एक महत्वपूर्ण कदम आए। लोकार्पण के मउका म मुख्यमंत्री श्री भूपेश बघेल ह सफेद चंदन के पौधा लगाइस।
कलेक्टोरेट परिसर के तिर बने ऑक्सीजोन म 12 एकड़ म अब तक 4 करोड़ रूपिया के राशि लगाके 75 प्रजाति के 4 हजार ले अधिक पेड़-पौधा लगाए हाबे। ऑक्सीजोन के बने ले शहर के पर्यावरण म सुधार के साथ ही युवा, बुजुर्ग अउ लइका मनला सुबह-शाम सैर अउ मनोरंजन खातिर बेहतर स्थान मिलही। ऑक्सीजोन म 3 किलोमीटर ले अधिक लम्बाई म पाथवे अउ पगड़ंडी तैयार हाबे। येकर अलावा इहां वाटर बॉडी हावय, जेमा ले एक प्राकृतिक अउ दूसरा ल बनाये गे हाबे। बरसात के पानी ले पौधा मन म पलोय जाही। प्राकृतिक वाटर फॉल तको बनाये गे हाबे।
ऑक्सीजोन लोकार्पण कार्यक्रम वन मंत्री श्री मोहम्मद अकबर, नगरीय प्रशासन मंत्री डॉ. शिव कुमार डहरिया, राज्यसभा सांसद श्रीमती छाया वर्मा, नगर निगम रायपुर के महापौर एजाज ढेबर, रायपुर उत्तर के विधायक कुलदीप सिंह जुनेजा, मुख्य सचिव, मुख्यमंत्री के अपर मुख्य सचिव, कमिश्नर, कलेक्टर, प्रधान मुख्य वन संरक्षक, छत्तीसगढ़ राज्य वन विकास निगम के पीसीसीएफ, वरिष्ठ पुलिस अधीक्षक अउ आयुक्त नगर निगम रायपुर सहित अन्य विभागीय अधिकारी उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।