खोरपा नाला म मिले अज्ञात शव के गुत्थी सुलझगे, धराइस आरोपी ओवन सिंह अउ उमेश साहू उतई निवासी

दुर्ग.02। दुर्ग जिला के पाटन के खोरपा नाला म पाछू दिन एक अज्ञात महिला के लाश मिले रिहिसे। पुलिस के मुताबिक महिला ल गला दबा के मारे के बाद आन ठउर ले बोरी म भरके खोरपा नाला म फेके गे रिहिसे। बोरी ले बदबू आए के बाद लोगन के नजर परिस अउ पुलिस ल आरो करिन। थाना प्रभारी पाटन के अनुसार हाथ पांव बंधाये रिहिसे। 

भादंसं 1860 के धारा 302,201 के तहत अपराध दर्ज करे के बाद पुलिस ल बड़का कामयाबी मिलिस के चारेच दिन बाद अज्ञात महिला के पहचान के साथ ही आरोपी मनला तको धर दबोचिस। दुर्ग पुलिस कोति ले सोशल मीडिया म बताये के हाबे के 04 दिन पहिली खोरपा नाला म बोरा म बंद मिले अज्ञात महिला के लाश के गुत्थी सुलझगे। मृतिका के पहचान सोमनी राजनांदगांव निवासी कंचन बंजारे के रूप म होए हाबे। साथ ही हत्या के आरोपी ओवन सिंग साहू उम्र 63 वर्ष अउ उमेश साहू उम्र 31 वर्ष निवासी उतई ल तको पकड़े म पुलिस कामयाब रिहिस।