- परियोजना म निजी क्षेत्र ले लगभग 30,000 करोड़ रूपिया के निवेश होही। अइसन भारतीय रेल हटवर्क म यात्री ट्रेन के परिचालन खातिर निजी निवेश के पहली पइत होवत हाबे।
- कम रखरखाव, पारगमन समय म कमी, ज्यादा रोजगार सृजन, यात्री मनके ज्यादा सुरक्षा, विश्व स्तरीय यात्रा अनुभव देवइया आधुनिक तकनीक ले युक्त रेल इंजन अउ डिब्ब के पेशकश।
नई दिल्लीर.02। रेल मंत्रालय ह 151 आधुनिक ट्रेन (रैक्स) के पेशकश के माध्यम ले 109 मूल गंतव्य (ओडी) जोड़ी रूट म यात्री ट्रेन सेवा के परिचालन म निजी भागीदारी खातिर अर्हता संबंधी अनुरोध (आरएफक्यू) आमंत्रित करे हाबे।
पीआईबी के मुताबिक भारतीय रेल हटवर्क के 12 क्लस्टर म 109 जोड़ी रूट तैयार करे गे हाबे। हर ट्रेन म न्यूनतम 16 कोच होही। परियोजना म निजी क्षेत्र ले लगभग 30,000 करोड़ रूपिया के निवेश आही। अइसन भारतीय रेल हटवर्क म यात्री ट्रेन चलाये खातिर निजी निवेश पहिली पइत होवत हाबे। अधिकांश ट्रेन ल भारत (मेक इन इंडिया) म ही बनाये गे हाबे।
ये ट्रेन के वित्तपोषण, खरीद, परिचालन अउ रखरखाव खातिर निजी इकाई जिम्मेदार होही। ये ट्रेन मनला अधिकतम 160 किमी प्रति घंटा गति खातिर डिजाइन करे जाही। जेकर ले यात्रा म लगइया समय म कमी आही। एक ट्रेन के यात्रा म लगइया समय तुलनात्मक रूप ले घट जही या संबंधित रूट म परिचालित भारतीय रेल के सबले तेज चलइया ट्रेन ले भी ज्यादा गति हो जही। अऊ जादा जानकारी, विवरण, क्लस्टर वार वेबसाइट www.eprocure.gov.in के निविदा कॉलम म देखे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।