Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कांकेर जिला के सिंगारभाट म लगही कोदो-कुटकी अउ रागी के प्रोसेसिंग यूनिट

कांकेर.02। राज्य शासन के मंशा के अनुरूप वनवासी अउ किसान मनला आर्थिक रूप ले मजबूत करे खातिर जबर प्रयास करे जावत हाबे। इही कड़ी म कांकेर जिला के सिंगारभाट के कृषि विज्ञान केन्द्र म कोदो, कुटकी अउ रागी के प्रोसेसिंग खातिर संयत्र स्थापित करे जाही। ये संयंत्र के लग जाए ले कोदो, कुटकी अउ रागी के खेती करइया किसान मनला उंकर उपज के वाजिब दाम मिलही। 

विधायक श्री शिशुपाल शोरी, मुख्यमंत्री के संसदीय सलाहकार श्री राजेश तिवारी, कलेक्टर श्री के.एल. चौहान अउ वन मण्डाधिकारी अरविंद पी.एम. के उपस्थिति म आज ये संबंध म जिला कार्यालय म विभाग के वरिष्ठ अधिकारी मनके बइठका आयोजित करे गे रि‍हिसे। कोदो, कुटकी अउ रागी के प्रोसेसिंग के साथ ही विपणन खातिर किसान, महिला स्व-सहायता समूह, युवा समूह ल दायित्व सौंपे जाही। ये बात के जानकारी देवत आगू डीपीआर कोति ले बताये गे हाबे के कृषक उत्पादक संगठन बनाके ओकर माध्यम ले कोदो, कुटकी अउ रागी फसल के उत्पादन अउ संग्रहण करे जाही। महिला अउ युवा समूह के माध्यम ले प्रसंस्करण, मूल्य संवर्धन के कार्य करके कृषक मनला आर्थिक रूप ले सुदृढ़ करे जाही। 

जानबा होवय के प्रभारी मंत्री गुरू रूद्रकुमार के मार्गदर्शन म कांकेर विकासखण्ड के अंतर्गत ग्राम पंचायत मर्दापोटी सर्कल के ग्राम इच्छापुर म हर्रा लघु वनोपज के प्रसंस्करण खातिर घलोक एक पृथक प्रोसेसिंग यूनिट लगाये के तैयारी पहिली ले हाबे। ये प्रकार ले अब कांकेर म लघु धान्य अउ लघु वनोपज आधारित दू प्रोसेसिंग यूनिट लगइया हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ