रायपुर.26। राज्य शासन कोति ले कोरोना वायरस संक्रमण के खतरा ल ध्यान म राखत हुए शैक्षणिक सत्र 2020-21 म व्यापम डहर ले आयोजित होवइया पीईटी, पीपीएचटी, पीपीटी अउ पीएमसीए प्रवेश परीक्षा मनला स्थगित कर देगे हाबे। छत्तीसगढ़ शासन के कौशल विकास, तकनीकी शिक्षा अउ रोजगार विभाग कोति ले मंत्रालय महानदी भवन ले व्यापम डहर ले अयोजित होवइया प्रवेश परीक्षा ल स्थगित करत, प्रवेश खातिर वांछित परीक्षा म प्राप्त अंक के आधार म प्रवेश दे के अनुमति दे गे हावय।
शैक्षणिक सत्र 2020-21 म तकनीकी पाठ्यक्रम, बैचलर ऑफ इंजीनियरिंग, बैचलर ऑफ फार्मेसी, डिप्लोमा एंड फार्मेसी, डिप्लोमा इन इंजीनियरिंग अउ मास्टर ऑफ कम्प्यूटर एप्लीकेशन म प्रवेश निर्धारित शैक्षणिक अर्हता के अनुसार अर्हकारी परीक्षा म प्राप्त अंक के आधार म करे के अनुमति देगे हावय। इन पाठ्यक्रम म प्रवेश के कार्यवाही ऑनलाईन कॉउंसलिंग के माध्यम ले होही। ऑनलाईन कॉउंसलिंग के संदर्भ म विस्तृत दिशा निर्देश तकनीकी शिक्षा संचालनालय ह जारी करही।
आन राज्य के विद्यार्थी खातिर बैचलर ऑफ इंजीनियरिंग अउ मास्टर ऑफ कम्प्यूटर एप्लीकेशन पाठ्यक्रम म प्रवेश के कार्यवाही नेशनल टेस्टिंग एजेंसी कोति ले आयोजित होवइया प्रवेश परीक्षा जेईई मेन्स अउ राष्ट्रीय प्रौद्योगिक संस्था कोति ले आयोजित होवइया प्रवेश परीक्षा एनआईएमसीईटी के स्थान म उक्त तकनीकी पाठ्यक्रम म प्रवेश के पात्रता खातिर निर्धारित शैक्षणिक अर्हता के अनुसार परीक्षा म प्राप्त अंक के आधार म करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।