रायपुर.26। राज्य शासन के अनुमति के बिगर कोनो निजी लैब या अस्पताल म कोरोना वायरस संक्रमण के जांच खातिर रैपिड एंटीबॉडी टेस्ट नइ करे जा सकय। अऊ येकर शिकायत मिले म स्वास्थ्य विभाग डहर ले कार्यवाही करे जाही। ये संबंध म संचालक, स्वास्थ्य सेवाएं श्री नीरज बंसोड़ ह सबो जिला के मुख्य चिकित्सा अउ स्वास्थ्य अधिकारी मनला पाती पठोय हाबे।
पत्र म जानकारी देगे हाबे के आई.सी.एम.आर. (Indian Council of Medical Research) डहर ले रैपिड एंटीबॉडी टेस्ट के अनुमति केवल कोरोना वायरस संक्रमण के सर्विलांस के उद्देश्य ले देगे हाबे। यदि कोनो निजी लैब या अस्पताल म शासन के अनुमति के बिगर येकर जांच होवत होही तव संबंधित जिला के मुख्य चिकित्सा अउ स्वास्थ्य अधिकारी ल तुरते तत्काल कार्यवाही करत संचालनालय, स्वास्थ्य सेवाएं ल सूचित करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।