Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

एक दो तीन, धक धक, तम्मा तम्मा लोगे, डोला रे डोला के धुन म नचईया सरोज खान अब नइ रहिस

सिनेमा.03। लागथे सिनेमा बर बने फलित नइये एसो के साल। मार्च के बाद ले अब तक कला जगत के कई बड़का सितारा मन दुनिया ल छोड़ के देव लोक चल दिस। आज बिहनिया फेर दुखद आरो मिलिस के फिल्म जगत के मशहूर डांस मास्टर सरोज खान जी अब ये दुनिया म नइ रिहिस। मिले आरो के मुताबिक सरोज जी मुंबई के अस्पताल म भर्ती रिहिसे अउ कार्डियक अरेस्ट ले निधन होगे। कुछ दिन पहिली ले श्वांस के सेती अस्पताल म भर्ती होए रिहिस, शुगर तको रिहिसे किथे। 

22 नवम्बर 1948 के जन्में सरोज खान जी ह माया नगरी म ये मुकाम तक पहुंचे म गजब मेहनत करे हाबे। बाल कलाकार ले ग्रुप डांस के बाद स्वतंत्र रूप ले कोरियोग्राफर के रूप म अपन आप ल साबित करे हाबे। सरोज जी के यादगार काम म मिस्टर इंडिया के हवा हवाई (1987), तेजाब के एक दो तीन (1988), बेटा के धक-धक करने लगा (1992) अउ देवदास (2002) के डोला रे डोला ह गजब लो‍कप्रिय हाबे। 

बॉलीवुड के हर बड़का सितारा मनला अपन इसारा म नचाने वाली सरोज के पांव आज ले थिरागे, फेर उंकर थिरकन के गुंज हमेशा जिंदा रइही ये दुनिया म। जब-जब माधुरी दीक्षित, काजोल, ऐश्वर्या राय जइसन कलाकार के कला ल देखबो तब-तब सुरता आही। सरोज जी के बारे म सुनके हर कलाकार दुखी हाबे अउ सोशल मीडिया के माध्यम ले अपन-अपन सुरता साझा करत श्रद्धांजलि देवत हाबे। 

सरोज खान जी के फिलिम- राउडी राठौर, दिल्ली-6, नमस्ते लंदन, सांवरिया, फना, स्वदेश, देवदास, फिज़ा, ताल, हम दिल दे चुके सनम, परदेस, दिलवाले दुल्हनिया ले जाएंगे, मोहरा, बाज़ीगर, बेटा, चांदनी, तेज़ाब, मिस्टर इंडिया, नगीना, हीरो। 

भावपूर्ण श्रद्धांजलि- 

Madhuri Dixit Nene





Akshay Kumar  


Team Kangana Ranaut 


Kajal Aggarwal


Arun Govil



Farah Khan



Vasundhara Raje



Shekhar Kapur




कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ