कौड़ी शिल्पकार मनके हुनर ल मिलही नवा चिन्हारी, हस्तशिल्प विकास बोर्ड करत हाबे सर्वेक्षण

अंजोर
0
रायपुर.08। मुख्यमंत्री श्री भूपेश बघेल के मंशानुरूप ग्रामोद्योग मंत्री गुरु रूद्र कुमार के मार्गदर्शन म अब ग्रामीण मन ग्रामोद्योग ल अपन जीवन यापन के आधार बनावत हाबे। इही कड़ी म हस्तशिल्प विकास बोर्ड ह राज्य सरकार के मंशानुरूप कौड़ी शिल्पकार के हुनर ल नवा आयाम प्रदान करे बर जावत हावय।

ग्रामोद्योग के अधिकारी ले मिले जानकारी के मुताबिक हस्तशिल्प विकास बोर्ड ह बस्तर वनांचल क्षेत्र के तोकापाल अउ बकावंड विकासखंड के अंतर्गत तोकापाल, ईरीकपाल, बरदा, एर्राकोट गांव म निवास करत कौड़ी शिल्प के शिल्पकार मनके सामाजिक अऊ आर्थिक सर्वेक्षण के बुता करावत हाबे।

डीपीआर के मुताबिक कार्यालय विकास आयुक्त (हस्तशिल्प) भारत सरकार वस्त्र मंत्रालय, नई दिल्ली के स्वीकृति ले हस्तशिल्प बोर्ड येकर बर स्वीकृत 5 अनुबंधित कर्मचारी मनके नियुक्त करे हाबे। जेमन कुल 4 महीना म संबंधित क्षेत्र के कौड़ी शिल्पकार मनके जमीनी स्तर म अउ वर्तमान म उंकर रहन-सहन के अलावा सामाजिक, आर्थिक स्थिति के साथ-साथ शिल्पकला तइयार करे म अवइया परेशानी के बारे म तको आरो लेही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !