रायपुर.08। प्रधानमंत्री फसल बीमा योजना के अंतर्गत खरीफ वर्ष 2020 के लाभ ले के आखरी तिथि 15 जुलाई 2020 निर्धारित करे गे हावय। ये योजना म धान सिंचित, धान असिंचित, मक्का, सोयाबीन, मूंगफली, मूंग अउ उड़द के बीमा खातिर बीमा ईकाई गांव म अधिसूचित करे गे हावय। येमा ऋणी अउ अऋणी किसान भू-धारक, बटाईदार सम्मिलित हो सकत हावय। ये संबंध म संचालक कृषि संचालनालय छत्तीसगढ़ रायपुर कोति ले आदेश जारी होगे हावय।
कृषि संचालनालय डहर ले जारी आदेश म केहे हावय के जोखिम फसल पैदावार के आधार म व्यापक क्षति, बाधित रोपाई, रोपण जोखिम, स्थानीयकृत आपदा अउ फसल कटाई के बाद सूखाये बर रोके करपा ल असामयिक वर्षा ले होवइया नुकसान ल तको शामिल करे गे हावय। अधिसूचित फसल ल बीमा कराये के इच्छुक किसान मन अंतिम तिथि 15 जुलाई तक नजदीकी बैंक, वित्तीय संस्था, लोकसेवा क्रेंद म संपर्क करके अपन फसल के बीमा करा सकथे।
किसान मनला सुझाव दिये गे हावय के ये योजना ले संबंधित अऊ जादा जानकारी जिला के अंतर्गत सूचित बीमा ईकाई, फसल, प्रावधानित जोखिम, दावा भुगतान के प्रकिया उक ल कृषि कार्यालय, बैंक, वित्तीय संस्थान, बीमा कंपनी ले संपर्क करके ले सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।