Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

ऊपराहा चाउर ले एथेनॉल बनाये के अनुमति खातिर ल छत्तीसगढ़ खाद्य सचिव ह केन्द्र ल लिखिस चिट्ठी

रायपुर.02। छत्तीसगढ़ म ऊपराहा चाउर ले एथेनॉल बनाये के अनुमति दे खातिर केन्द्र सरकार ले प्रदेश के मुखिया ह आग्रह करे हाबे। मुख्यमंत्री के आग्रह म राष्ट्रीय जैव ईंधन समन्वय समिति के 24 अप्रैल 2020 के बइठक म भारतीय खाद्य निगम म उपलब्ध सरप्लस चाउर ले एथेनॉल उत्पादन करे के अनुमति मिले हाबे। इही परिप्रेक्ष म प्रदेश के खाद्य सचिव ह भारत सरकार के पेट्रोलियम अउ प्राकृतिक गैस मंत्रालय के सचिव ल पत्र लिखके छत्तीसगढ़ म अतिशेष 4 लाख मिट्रिक टन चाउर ले एथेनॉल बनाये के अनुमति के अनुरोध करे हावय।

केन्द्रीय सचिव ल भेजे पत्र म बताये हावय के छत्तीसगढ़ म खरीफ विपणन वर्ष 2019 -20 म प्रदेश के किसान मनले समर्थन मूल्य पर 83 लाख 94 हजार मिट्रिक टन धान के खरीदी करे गे हावय। येमा के कुल चाउर ले केन्द्रीय पूल अउ राज्य पूल म राज्य के सार्वजनिक वितरण प्रणाली म आवश्यक मात्रा, 28.1 लाख मिट्रिक चावल केंद्रीय पूल म भारतीय खाद्य निगम ल दे के बाद राज्य म लगभग 4 लाख मिट्रिक टन चावल अधिशेष रही। 

अधिशेष चावल के लम्बा समय तक भण्डारित रेहे के सेती खाद्यान्न के गुणवत्ता प्रभावित होए के आशंका हावय। अइसन स्थिति म कोरोना वायरस महामारी के नियंत्रण खातिर डिस्टलरी ले एथेनॉल आधारित सैनिटाइजर अउ ईबीपी कार्यक्रम के तहत अतिरिक्त 4 लाख मिट्रिक टन चावल ल एथेनॉल बनइया प्लांट ल आपूर्ति करे जा सकत हावय। खाद्यान्न ले एथेनॉल बनइया प्लांट के स्थापना के संबंध म राज्य के औद्योगिक नीति 2019-24 ले ये संबंध म आवश्यक प्रावधान करे हावय। खाद्य सचिव ह छत्तीसगढ़ राज्य के लगभग 4 लाख मिट्रिक टन चावल ले एथेनॉल बनाये के लघियात अनुमति दे के गैलौली करे हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ