कोरोना के नि:शुल्क जांच होही रायपुर नगर निगम के कई वार्ड म 29 ले 31 जुलाई तक
रायपुर.28। रायपुर म सरलग कोरोना के बाढ़त मरीज ल देखत अब जांच सेम्पल ले खातिर वार्ड म आही टीम। स्वास्य्8ा विभाग ले मिले आरो के मुताबिक रायपुर नगर निगम के लोगन मन खातिर 29 जुलाई ले 31 जुलाई तक आने-आने वार्ड म नि:शुल्क कोरोना जांच के सेम्पल ले बर जाही टीम। जेन कोनो ल भी सर्दी, खांसी, बुखार, सांस ले म तकलीफ या स्वाद सूंघे के शक्ति म अभाव होही तव तुरते जांच कराव।
सेम्पल ले खातिर टीम ह 29 जुलाई के सरस्वती स्कूल, पुरानी बस्ती, लीली चौक, वार्ड क्रमांक-44 ब्राम्हण पारा म 11:30 बजे। इही दिन 2:00 बजे ले सामुदायिक भवन, खपराभट्टी वार्ड क्रमांक-11 कालीमाता वार्ड रायपुर म। 30 जुलाई के सामुदायिक भवन त्रिमुर्ती नगर, इंदिरा आवास वार्ड क्रमांक-06 वीरांगना अवंतिबाई वार्ड रायपुर म 11:00 बजे। इही दिन 3:00 बजे ले सामुदायिक भवन म सेक्टर-1 देवेन्द्र नगर, वार्ड क्रमांक-28 शहीद हेमुकालाणी वार्ड रायपुर। 31 जुलाई 12:00 बजे अमलीडीह पानी टंकी के पास, जोन-10 कार्यालय रायपुर का सेम्पल ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।